Бразилия терма жамоасининг афсонавий собиқ футболчиси Роналдо «Реал Мадрид»нинг собиқ устози Зинедин Зидан Франция миллий терма жамоаси бошқарувида муваффақиятга эриша олиши ёки йўқлиги ҳақида ўз фикри билан ўртоқлашди.
«Ҳа, у бунга албатта қодир. Мен доим ушбу лавозим учун унда идеал фазилатлар мавжудлигини айтиб келганман. Унда истеъдод, тажриба, тактик заковат ва мукаммал характер бор. Бу шунчаки менинг ички сезгим эмас. У Мадриднинг «Реал» клуби тепасидаги ёрқин фаолияти билан аллақачон ҳамма нарсани исботлаб бўлган», — дея Роналдонинг сўзларини келтиради L'Équipe газетаси.
Зидан «Реал»ни 2016 йилдан 2018 йилгача, шунингдек, 2019 йилдан 2021 йилгача бошқарган. Француз мутахассиси қўл остида «қаймоқранглилар» уч бор Чемпионлар Лигасида ғолиб чиқишган ва бошқа кўплаб совринларни қўлга киритишган.
54 ёшли Зидан Жаҳон чемпионати — 2026 дан сўнг Франция терма жамоасининг янги бош мураббийига айланади.
