Жаҳон чемпионати — 2026 нинг 1/16 финали доирасида Бразилия ва Япония терма жамоалари ўртасида учрашув бўлиб ўтади. ESPN нашри тарқатган хабарга кўра, ярим ҳимоячи Такефуса Кубо жароҳати сабабли бўлажак баҳсни ўтказиб юборади.
Япониялик хавбек мундиалнинг гуруҳ босқичидан ўрин олган Нидерландияга қарши ўйинда (2:2) жароҳат олган эди. Такефуса айни пайтда якка тартибдаги режа асосида машғулот ўтамоқда ва ҳали тўп билан ишлашга қайтгани йўқ.
Бразилия ва Япония ўртасидаги учрашув душанба, 29 июнь куни бўлиб ўтади. Бош ҳакамнинг старт ҳуштаги Тошкент вақти билан 22:00 да чалинади.
