«Мидлсбро» ярим ҳимоячиси Хэйден Хакни Ливерпулнинг «Эвертон» клуби футболчисига айланади. Бу ҳақда ишончли инсайдер — Фабрицио Романо хабар тарқатди.

Хакни «ирислар»га 19 миллион еврога тушади, бундан ташқари яна 8 миллион евро бонуслар сифатида тўлаб берилиши кўзда тутилган. Якунланган Чемпионшип мавсумида 24 ёшли ярим ҳимоячи 39 та ўйинда майдонга тушиб, уларда жами 5 та гол урди ва 7 та голли узатмани амалга оширди. «Мидлсбро» жамоаси Чемпионшип плей-офф босқичи финалида «Халл Сити»га имкониятни бой бериб, Англия Премьер-лигасига чиқиш имкониятини қўлдан бой берган эди.

Бундан аввалроқ оммавий ахборот воситаларида Хакнининг хизматларига Англиянинг бир йўла учта топ-клуби — «Ливерпуль», «Манчестер Юнайтед» ва «Тоттенхэм» қизиқиш билдираётгани ҳақида хабарлар берилган эди.