«Манчестер Сити» хавбеки Матео Ковачич Англия Премьер-лигасининг бошқа бир клубига ўтиши мумкин. Бу ҳақда SportsBoom нашри хабар бермоқда.
Манбанинг берган маълумотларига кўра, «Ноттингем Форест» ва «Астон Вилла» клублари 32 ёшли хорватиялик футболчига қизиқиш билдирмоқда. «Шаҳарликлар» шартномаси тугашига атиги бир йил қолган Ковачич бўйича келадиган таклифларни кўриб чиқишга тайёр. Футболчининг ўзи эса мунтазам ўйин амалиётига эга бўлишни истамоқда.
Якунланган мавсумда Ковачич барча мусобақаларда жами 9 та ўйинда майдонга тушиб, битта голли узатмани амалга оширди.
Transfermarkt портали маълумотларига кўра, ярим ҳимоячининг трансфер баҳоси 10 миллион еврони ташкил этади.
