«Manchester Siti» xavbeki Mateo Kovachich Angliya Premyer-ligasining boshqa bir klubiga o‘tishi mumkin. Bu haqda SportsBoom nashri xabar bermoqda.

Manbaning bergan ma’lumotlariga ko‘ra, «Nottingem Forest» va «Aston Villa» klublari 32 yoshli xorvatiyalik futbolchiga qiziqish bildirmoqda. «Shaharliklar» shartnomasi tugashiga atigi bir yil qolgan Kovachich bo‘yicha keladigan takliflarni ko‘rib chiqishga tayyor. Futbolchining o‘zi esa muntazam o‘yin amaliyotiga ega bo‘lishni istamoqda.

Yakunlangan mavsumda Kovachich barcha musobaqalarda jami 9 ta o‘yinda maydonga tushib, bitta golli uzatmani amalga oshirdi.

Transfermarkt portali ma’lumotlariga ko‘ra, yarim himoyachining transfer bahosi 10 million yevroni tashkil etadi.