The Athletic нашрининг ёзишича, Каталония клуби «Атлетико» ҳужумчиси учун тахминан 130 миллион евро таклиф қилиши мумкин. Катта эҳтимол билан «блауграна» бу қадамни жаҳон чемпионати якунланганидан кейин ташлайди.

«Барселона» вакиллари охирги бир неча ҳафта ичида Мадрид клуби билан муносабатлар кескинлашганини тан олмоқда, бироқ шунга қарамай, «Атлетико» яқин орада музокаралар ўтказишга рози бўлишига умид қилмоқда.

Шунингдек, хабарда айтилишича, «Барса» яқинда «Бавария» форварди Харри Кейннинг вакиллари билан боғланган — манбаларга кўра, бу учрашув шунчаки вазиятни ўрганиш характерига эга бўлган. Инглиз футболчиси Мюнхен клубини тарк этишдан манфаатдор эмас ва тез орада шартномасини узайтириши кутилмоқда.

Эслатиб ўтамиз, аввалроқ «Атлетико» Альваресни «Барселона»га тахминан 100 миллион еврога сотиш таклифини рад этган эди.