Мадриднинг «Реал» клуби ярим ҳимоячиси Дани Себальос клубдан кетиш учун молиявий қурбонлик қилишга тайёр. У шартномани муддатидан олдин бекор қилганлик учун тўланадиган товон пулидан (компенсация) воз кечмоқчи.
Себальос шартнома узилган тақдирда ўзининг бир йиллик маошини ундириб олиши мумкин эди. Бироқ журналист Марио Кортегананинг маълумотларига кўра, Дани «Реал»дан бир тийин ҳам талаб қилмайди.
Футболчи ўзига етарлича ўйин амалиёти берилмаётган қироллик клубини тарк этишни жуда ҳам истамоқда. Шу сабабли у мадридликлар билан хайрлашиш йўлида молиявий манфаатларидан воз кечишга қарор қилган.
