Англия терма жамоаси вингери Нони Мадуэке жамоадоши Жуд Беллингемнинг ўйинига юқори баҳо берди. Жаҳон чемпионатининг гуруҳ босқичида ярим ҳимоячи икки бор ФИФА томонидан учрашувнинг энг яхши футболчиси совринини қўлга киритди.

«Мен уни жаҳон даражасидаги ўйинчи деб ҳисоблайман. Ҳар сафар унга қараганимда, тахминан бир хил футболчини кўраман. Унинг сўнгги ўйинларда кўрсатаётган натижалари ҳеч кимни ҳайратда қолдирмаслиги керак — у буни кўп йиллардан бери қилиб келмоқда. У шундай ўйнаганда, бу мен учун мутлақо нормал ҳолат», — дея Мадуэкенинг сўзларини келтиради ESPN.

Шунингдек, Мадуэке Беллингем ва Ҳарри Кейнни Англия терма жамоасининг иккита асосий ўйинчиси сифатида ажратиб кўрсатди:

«Бу масъулиятни ўз зиммасига оладиган икки футболчи. Жуд охирги учрашувда тўхтатиб бўлмас эди, Ҳарридан эса доим голлар кутасан. Уларнинг бундай спорт формасида экани жуда муҳим — плей-оффда улар бизга керак бўлади».

1 июль куни 1/16 финал босқичи доирасида Англия терма жамоаси ДР Конгога қарши майдонга тушади.