«Тоттенхэм» «Вест Хэм» ярим ҳимоячиси Матеуш Фернандешни сотиб олиш жараёнини якунламоқда. Аввалроқ хабар берилганидек, клублар ўртасида келишув шартлари бўйича тўлиқ ҳамфикрликка эришилган — «шпорлар» ушбу трансфер учун 85 миллион фунт стерлинг (тахминан 99 миллион евро) тўлашади. Бу «Тоттенхэм» клуби тарихидаги энг қиммат харидга айланади. Тез орада 21 ёшли футболчи тиббий кўрикдан ўтади ва шартномага имзо чекади.
Португалиялик иқтидор эгаси учун курашда «Манчестер Юнайтед» ҳам иштирок этаётган эди, бироқ «қизил иблислар» «Вест Хэм» томонидан қўйилган нархни ҳаддан ташқари юқори деб ҳисоблашди.
«Тоттенхэм»нинг айни дамдаги рекорд трансфери ўтган йили ўрнатилган эди — ўшанда клуб Хави Симонс учун 65 миллион евро тўлаган.
