Марсело Биелса ЖЧ–2026даги муваффақиятсизликдан сўнг 1 соат 30 дақиқа давом этган матбуот анжуманида ўз фикрларини билдирди.
70 ёшли мутахассис матбуот анжуманига қўлида ҳужжатлар солинган папка билан ташриф буюрди.
"Мен бир нарсага мутлақо аминман: ҳеч кимни менинг билимларим қизиқтирмайди. Қачон одамлар айтаётганларимга қизиқаётганини ҳис қиламан. Аммо мен етказишга ҳаракат қилган фикрлар ҳеч бир даражада муҳим деб қабул қилинмади. Менимча, бу улар учун аҳамиятли эмас эди.
Бунда ёмон нарса кўрмайман. Одамлар менинг билганларимни ўрганишга қизиқмайди. Бу мавзу мен учун ёпилган.
Буни ўз тажрибамда ҳам кўрдим. Австралияда яшаган, Монтевидеода мураббий бўлишни орзу қилган бир муҳандис олдимга келишни хоҳлади. Мен унга билганларимни ўргатдим. Ҳозир у Уругвай футболида ишлаяпти. Эсимда қолишича, ҳақиқий қизиқиш билдирган ягона инсон ўша эди", — деди Биелса.
Эслатиб ўтамиз, Уругвай миллий терма жамоаси ЖЧ–2026 гуруҳ босқичида Саудия Арабистони миллий терма жамоаси билан 1:1, Кабо-Верде миллий терма жамоаси билан 2:2 ҳисобида дуранг ўйнади ҳамда Испания миллий терма жамоасига 0:1 ҳисобида мағлуб бўлиб, гуруҳдан чиқа олмади.
