Кеча «Пахтакор» стадионида нималар бўлиб ўтганидан хабарингиз бор. Иордания терма жамоаси ўзлари ҳам кутмаган ҳолда ғалаба қозонишди ва Жанубий Американинг 5-жамоаси билан жаҳон чемпионати йўлланмаси учун баҳс олиб борадиган бўлишди.
Таниқли рассом Омар Момани аслида иорданиялик ҳисобланади ва бу ғалабадан илҳомланиб, навбатдаги карикатурасини ушбу учрашувга бағишлади.
Кеча стадионда чироқ ўчиб қолгани карикатуранинг асосий ғояси бўлган. Расмда Иордания терма жамоаси устози, тўртта футболчи ва дарвозабон тасвирланган. Бундан бош планда тасвирланган мураббийнинг жуда катта ҳажмдаги ишни амалга оширганини изоҳламоқчи бўлганини билиб олиш қийин эмас. Дарвозабон ҳам бошқа футболчилардан кўра диққатни тортадига қилиб тасвирланган. Бу эса бевосита пенальтилар серияси билан боғлиқ.
