«Манчестер Юнайтед» «Вест Хэм»нинг 21 ёшли марказий ярим ҳимоячиси Матеуш Фернандешни сотиб олиш фикридан қайтди. «Қизил иблислар» раҳбарияти футболчи учун сўралган 85 миллион фунт стерлинг (99 миллион евро) миқдоридаги нархни ҳаддан ташқари юқори ва ўйинчининг реал баҳосига мос эмас деб ҳисоблади, дея хабар бермоқда BBC Sport.
Португалиялик футболчи бошқа даъвогарлар орасидан айнан «Юнайтед»ни танламоқчи эканлиги ҳақида аниқ ишора бермаган.
Манбанинг таъкидлашича, клуб фақат жамоа лойиҳасини тўлиқ қўллаб-қувватлайдиган ва «Манчестер Юнайтед»да ўйнаш иштиёқи билан ёниб турган футболчиларнигина сотиб олиш ниятида қатъий турибди.
Ўтган 2025/2026 йилги мавсумда Матеуш Фернандеш барча турнирларда жами 42 та учрашувда майдонга тушиб, 5 та гол урди ва 5 та голли узатмани амалга оширди. Унинг «Вест Хэм» билан амалдаги шартномаси 2030 йилнинг 30 июнига қадар мўлжалланган.
