Мадриднинг «Атлетико» клуби президенти Энрике Сересо ҳужумчи Хулиан Альварес билан боғлиқ вазиятга муносабат билдирди. Аввалроқ аргентиналик футболчи «орзусини амалга ошириш» учун клубни тарк этмоқчи эканлигини оммавий равишда эълон қилган эди, бироқ раҳбариятнинг позицияси ўзгаришсиз қолмоқда.

«Ҳаммасидан хабарингиз бор: у «Атлетико» футболчиси ва «Атлетико» футболчиси бўлиб қолади. Унинг баёноти бизни ҳайратда қолдирди ва биз ўз вазифамизни бажардик — у «Атлетико» ўйинчиси эканлигини, бизда ҳеч кимдан ҳеч қандай таклиф йўқлигини айтдик. Ҳатто таклифлар бўлган тақдирда ҳам, биз уни сотишни хоҳламаймиз ва бунга тайёр эмасмиз, тамом-вассалом», — дея Сересонинг сўзларидан иқтибос келтирмоқда Marca нашри.

Альвареснинг «Атлетико» билан шартномаси 2030 йилнинг ёзигача амал қилади. Ўтган мавсумда 26 ёшли форвард барча турнирларда 52 та ўйинда майдонга тушиб, 20 та гол урди ва 10 та голли узатмани амалга оширди. Футболчига «Барселона» клуби қизиқиш билдирмоқда.