Уругвай терма жамоаси собиқ бош мураббийи Марсело Бьелса Жаҳон чемпионати — 2026 пайтида футболчилар билан можарога боргани ҳақидаги хабарларни инкор этди.
«Биз Саудия Арабистонидан 20 фоиз, Кабо-Вердедан 30 фоиз ва Испаниядан 25 фоиз кўпроқ югуришга етадиган даражада аҳил ва бирдам эдик», — дея Бьелсанинг сўзларидан иқтибос келтирмоқда AS нашри.
Шунингдек, мутахассис миллий жамоанинг ЖЧ-2026 гуруҳ босқичидан кейин мусобақани тарк этганини таҳлил қилди.
«Гуруҳ босқичини нима учун етти очко билан якунлашимиз керак бўлганини тушунтириб беришим мумкин. Ҳар қандай жиддий ва чуқур таҳлил доирасида Саудия Арабистонини мағлуб этишимиз, Кабо-Верде устидан ғалаба қозонишимиз ва Испания билан дуранг ўйнашимиз керак бўлганини инкор этадиган бирорта ҳам банд йўқ», — дея таъкидлади Бьелса.
