«Атлетико» «Спортинг»дан Юлмандни ўз сафига қўшиб олмоқчи.

Мадрид клуби 27 ёшли ярим ҳимоячини сотиб олишдан манфаатдор ва у билан яна бир мавсумга узайтириш имконияти билан 2031 йилгача мўлжалланган шартномани келишиб бўлди, деб хабар бермоқда AS.

Португаллар футболчи учун тахминан 60 миллион евро талаб қилмоқда, бироқ «Атлетико» спорт директори Матеу Алемани ушбу суммани камайтиришга эришмоқчи. Якунда даниялик футболчини бонусларни ҳисобга олган ҳолда тахминан 45 млн еврога сотиб олиш мумкинлиги тахмин қилинмоқда.

Португалия чемпионатининг ўтган мавсумида Юлманд 27 та ўйин ўтказиб, 3 та гол урди ва 4 та голли узатмани амалга оширди.