«Манчестер Сити» клуби «Лестер»нинг 16 ёшли ҳужумчиси Жереми Монгага қизиқиш билдирмоқда. Бу ҳақда BBC нашри хабар бермоқда.

Манбанинг берган маълумотига кўра, футболчининг ривожланишини узоқ вақтдан бери кузатиб келаётган «шаҳарликлар» яқиндагина трансфер эҳтимоли бўйича дастлабки сўровни амалга оширишган. Айни пайтда футболчи билан музокараларда ҳаммадан кўра Лондоннинг «Арсенал» клуби илгарилаб кетган. Шунингдек, Монгага «Брентфорд» томонидан ҳам маълум даражада қизиқиш бор.

Июль ойида ҳужумчи 17 ёшни қарши олади. Аввалроқ у «Лестер» академияси билан бир йиллик шартнома имзолаган эди ва бу келишув тез орада автоматик тарзда унинг биринчи профессионал шартномасига айланиши керак. Трансфер амалга ошган тақдирда, унга даъвогар бўлаётган клублар товон пули тўлашларига тўғри келади. «Лестер» ўз тарбияланувчиси учун камида 11,7 миллион евро олишни умид қилмоқда.

Ёш бўлишига қарамай, Монга «тулкилар»нинг асосий жамоаси сафида 37 та ўйинда майдонга тушишга улгурди. У Макс Доуман ва Итан Нванеридан кейин АПЛ тарихидаги учинчи энг ёш футболчи ҳисобланади.