Рафиньянинг соғлиғи борасидаги ёмон хавотирлар ўз тасдиғини топди. Бразилия терма жамоаси ҳужумчиси Жаҳон чемпионатининг 1/8 финали доирасида Норвегия терма жамоасига қарши кечадиган бўлажак учрашувда «селесао»га ёрдам бера олмайди.
Globo нашрининг ёзишича, вингер машғулотларни умумий гуруҳдан ажралган ҳолда алоҳида давом эттирмоқда. Агар бразилияликлар кейинги босқичга йўл олишса, Рафинья чорак финалда майдонга туша олишидан умид қилишмоқда.
Эслатиб ўтамиз, Рафинья гуруҳ босқичининг иккинчи туридан ўрин олган Гаити терма жамоасига қарши ўйинда (3:0) жароҳат олган эди. Шундан сўнг «Барселона» юлдузи учинчи турдаги Шотландияга қарши баҳсда майдонга тушмади ва 1/16 финал доирасида Япония устидан қозонилган ғалабали ўйинни ҳам ўтказиб юборди.
