«Ювентус» клуби ҳужум чизиғини кучайтириш мақсадида Рандаль Коло-Муанини сотиб олиш устида иш олиб бормоқда. Бироқ Corriere della Sera нашрига таяниб The Touchline хабар беришича, ҳозирда Турин клуби ва «ПСЖ»нинг бу борадаги позициялари бир-бирига мос келмаяпти.
«ПСЖ» Коло-Муани трансферидан 40 миллион евро ишлаб олмоқчи, «Ювентус» эса ўз чегарасини — 35 миллион евро этиб белгилаган. Бундан ташқари, «кекса синьора» қуйидагича кўринишдаги схема таклиф қилмоқда: футболчини 8-10 миллион евро эвазига ижарага олиш ва кейинчалик 25 миллион еврога мажбурий сотиб олиш.
Аввалроқ «Ювентус» раҳбарияти Коло-Муанини таркибга қўшиб олиш устида ҳаракат қилаётганини маълум қилган эди. Ушбу футболчи 2025 йилнинг биринчи ярмида туринликлар сафида ижара асосида тўп сурган.
