«Yuventus» klubi hujum chizig‘ini kuchaytirish maqsadida Randal Kolo-Muanini sotib olish ustida ish olib bormoqda. Biroq Corriere della Sera nashriga tayanib The Touchline xabar berishicha, hozirda Turin klubi va «PSJ»ning bu boradagi pozisiyalari bir-biriga mos kelmayapti.
«PSJ» Kolo-Muani transferidan 40 million yevro ishlab olmoqchi, «Yuventus» esa o‘z chegarasini — 35 million yevro etib belgilagan. Bundan tashqari, «keksa sinyora» quyidagicha ko‘rinishdagi sxema taklif qilmoqda: futbolchini 8-10 million yevro evaziga ijaraga olish va keyinchalik 25 million yevroga majburiy sotib olish.
Avvalroq «Yuventus» rahbariyati Kolo-Muanini tarkibga qo‘shib olish ustida harakat qilayotganini ma’lum qilgan edi. Ushbu futbolchi 2025 yilning birinchi yarmida turinliklar safida ijara asosida to‘p surgan.
