Жаҳон чемпионати — 2026 да плей-офф босқичининг дастлабки раунд баҳслари давом этмоқда. Бугунги ҳолатга кўра (3 июль), нуфузли турнирнинг 1/8 финалига йўл олган 13 та иштирокчи номи маълум бўлди.
Мундиалнинг кейинги босқичига қуйидаги терма жамоалар йўлланмани қўлга киритиб улгуришди: Франция, Марокаш, Испания, Бельгия, Норвегия, Англия, Парагвай, Португалия, Канада, АҚШ, Бразилия, Мексика ва Швейцария.
Жаҳон чемпионати 11 июндан 19 июлга қадар Шимолий Американинг учта давлати — АҚШ, Канада ва Мексикада бўлиб ўтмоқда. Амалдаги чемпион Аргентина терма жамоаси ҳисобланади. Лионель Скалони шогирдлари ЖЧ-2022 финалида пенальтилар сериясига кўра французларни мағлуб этишган эди.
