Юлиан Нагельсман АҚШ, Мексика ва Канадада ўтаётган 2026 йилги футбол бўйича жаҳон чемпионатидаги омадсиз иштирокдан кейин Германия миллий терма жамоаси бош мураббийи лавозимини тарк этди.
BILD нашрининг хабар беришича, томонлар ўзаро ҳамкорликни тўхтатиш бўйича келишувга эришган ва Нагельсман энди «бундестим» бош мураббийи эмас. Аввалроқ Юрген Клопп ушбу лавозимни эгаллашга қарши эмаслиги ҳақида хабарлар тарқалган эди.
Эслатиб ўтамиз, Германия терма жамоаси жаҳон чемпионатининг 1/16 финал босқичида Парагвайга пенальтилар сериясида кутилмаганда мағлуб бўлиб, мусобақани тарк этганди. Жанубий Америка вакили чорак финал йўлланмаси учун 5 июлга ўтар кечаси Францияга қарши майдонга тушади.













