FIFAнинг Ассоциацияга юборган хатида «Андижон» футбол клуби Албаниянинг «Лачи» клуби олдидаги мажбуриятларини ўз вақтида бажармагани қайд этилган.
FIFA қарорига кўра, «Андижон» «Лачи» клуби олдидаги молиявий мажбуриятини 45 кун ичида бажариши лозим эди. Бироқ дедлайн сифатида белгиланган 10 июнь санасига қадар ҳам мазкур талаб бажарилмаган.
Шундан келиб чиқиб, клубга нисбатан ушбу иш ёпилгунига қадар кетма-кет учта трансфер ойнаси давомида янги футболчиларни рўйхатдан ўтказиш бўйича тақиқ жорий этилди.
Энди «Андижон» ҳар қандай ҳолатда ҳам Алтин Крезиу трансфери ортидан юзага келган молиявий мажбуриятни бажариши шарт. Мазкур ҳисоб-китоб амалга оширилгач, клуб бу ҳақда FIFAни хабардор қилади. Кейинчалик «Лачи» ҳам тўлов амалга оширилганини тасдиқласа, FIFA трансфер тақиқини бекор қилади.
