Бразилия терма жамоасининг собиқ ярим ҳимоячиси Фелипе Мело Испания терма жамоаси ҳужумчиси Ламин Ямаль ўйинини 2022 йилги жаҳон чемпиони Лионель Месси билан таққослашга муносабат билдирди.
«Ямаль бир мавсумда 90 та гол уришига ва ҳатто Месси эришган натижаларнинг 80 фоизига ҳам етишига шубҳам бор. Ламин — феномен футболчи, аммо биз футбол тарихидаги энг буюк ўйинчилардан бири ҳақида гапиряпмиз», — деди Мело Globo нашрига.
Айни пайтда 39 ёшли Лионель Месси 2026 йилги жаҳон чемпионатининг энг яхши тўпурари бўлиб турибди. У учта учрашувда 6 та гол урган. 18 ёшли Ламин Ямаль эса тўртта ўйинда битта гол муаллифи бўлган.
