"Манчестер Юнайтед" дарвозабони Андре Онана халқаро рухсатнома олиниши ва рўйхатдан ўтказилиш шарти билан, 2026/2027 йилги мавсум учун Туркиянинг "Трабзонспор" клубига ижара асосида ўтди. Бу ҳақда "қизил иблислар"нинг расмий сайти хабар бермоқда.
Эслатиб ўтамиз, камерунлик посбон ортда қолган мавсумда ҳам Туркия жамоаси шарафини ҳимоя қилган эди. У ўшанда 33 та ўйинда майдонга тушиб, ўз дарвозасидан 40 та гол олиб чиққан ва 6 та учрашувда дарвозаси дахлсизлигини сақлаб қолган.
Онана 2023 йилнинг ёзида Миланнинг "Интер" клубидан 52,5 миллион евро эвазига "Манчестер Юнайтед"га ўтган эди. Дарвозабоннинг инглиз клуби билан шартномаси 2028 йилнинг ёзига қадар мўлжалланган бўлиб, уни яна бир йилга узайтириш банди мавжуд. Transfermarkt портали баҳосига кўра, футболчининг айни пайтдаги бозор қиймати 10 миллион еврони ташкил этади.
