Испаниялик ҳимоячи Марио Хила "Милан"га ўтишга розилик берди. Энди "россонерилар" раҳбарияти потенциал жиҳатдан жуда яхши бўлган ушбу футболчиси билан хайрлашишни истамаётган "Лацио" клубини кўндириш учун тўғри сўзлар ва молиявий рағбатлар (таклифлар) топиши керак, холос. Бу ҳақда pianetamilan.it портали хабар бермоқда.

Қизиғи шундаки, айнан Хила шу йилнинг март ойида "Милан" дарвозасига гол урган эди — ўша мағлубият "Милан"нинг инқирозига асос бўлган ва жамоа икки ой ичида чемпионлик даъвогарлигидан Италия А Серияси турнир жадвалида бешинчи ўринга тушиб кетган эди.

Бундай регресс Массимилиано Аллегрининг ишдан бўшатилишига сабаб бўлди. Унга А Сериянинг сўнгги туридан кейинроқ чиқиш эшиги кўрсатиб юборилган эди.