2026 йилги Жаҳон чемпионати 1/8 финали доирасида бўлиб ўтадиган Бразилия — Норвегия учрашуви бошланиш вақти ўзгариши мумкин. Бу ҳақда ESPN Brasil хабар берди.
Манбага кўра, ФИФА ноқулай об-ҳаво шароити туфайли баҳсни бир соатга кечроқ бошлаш масаласини кўриб чиқмоқда.
Шундай бўлса, учрашув Тошкент вақти билан 5 июлдан 6 июлга ўтар кечаси соат01:00 эмас, балки 03:00да старт олади.
Бундай қарорга ҳудудда кузатилаётган кучли иссиқ сабаб бўлган. Аввалроқ Нью-Йорк ва унинг атрофида ҳаво ҳарорати 37°Cгача кўтарилиши, ҳис қилинадиган ҳарорат эса 43°Cга етиши мумкинлиги ҳақида хабарлар тарқалган эди. Учрашув Ист-Ратерфорд шаҳридаги «Метлайф» стадионида бўлиб ўтади.
