Миланнинг «Интер» клуби марказий ҳимоячиси Алессандро Бастони ҳали ҳам Мадриднинг «Реал» клубига ўтиши мумкин.

«Қаймоқранглилар» бош мураббийи Жозе Моуриньо мудофаа марказига яна бир футболчи сотиб олинишини талаб қилмоқда ва «The Special One»нинг фикрича, италиялик ҳимоячи унинг талабларига тўлиқ жавоб беради. Шу билан бирга, Diario AS нашрининг хабар беришича, «қироллик клуби» «нерадзуррилар» юлдузини аввал тахмин қилинганидек 70 миллион ва ундан қимматроққа эмас, балки 60 миллион еврога қўлга киритиши мумкин.

Алессандро Бастони ўтган мавсумда «Интер» сафида 40 та ўйинда майдонга тушиб, 2 та гол ва 6 та голли узатмани ўз ҳисобига ёздириб қўйган. Transfermarkt экспертлари марказий ҳимоячининг трансфер баҳосини 65 миллион еврога баҳолашмоқда.