«Челси» клуби собиқ футболчиси Эммануэль Пети Максанс Лакруани Лондон клубига ўтишдан огоҳлантирди.
Тарқалган миш-мишларга ишонадиган бўлсак, «Кристал Пэлас» ўз таркибидаги 26 ёшли футболчини (унинг клуб билан шартномаси 2029 йилнинг июнигача мўлжалланган) 60 миллион фунт стерлингга баҳоламоқда, «кўклар» эса ушбу суммани камайтиришга ҳаракат қилишяпти.
«Максанс Лакруа «Челси»дами? Буни унутинг. «Челси»даги француз ҳимоячиларини гўёки лаънат таъқиб қилмоқда. Марсель Десайи ва Уильям Галлас давридан бери уларнинг барчаси муваффақиятсизликка учради. Ҳозир «Челси»да қанча марказий ҳимоячи бор? Саккизта бўлдими?», — дея Петининг сўзларини келтиради tribalfootball.com портали.
Маълумот учун, айни дамда Лакруа Франция терма жамоаси таркибида ЖЧ-2026 мусобақасида иштирок этмоқда.
