«Chelsi» klubi sobiq futbolchisi Emmanuel Peti Maksans Lakruani London klubiga o‘tishdan ogohlantirdi.

Tarqalgan mish-mishlarga ishonadigan bo‘lsak, «Kristal Pelas» o‘z tarkibidagi 26 yoshli futbolchini (uning klub bilan shartnomasi 2029 yilning iyunigacha mo‘ljallangan) 60 million funt sterlingga baholamoqda, «ko‘klar» esa ushbu summani kamaytirishga harakat qilishyapti.

«Maksans Lakrua «Chelsi»dami? Buni unuting. «Chelsi»dagi fransuz himoyachilarini go‘yoki la’nat ta’qib qilmoqda. Marsel Desayi va Uilyam Gallas davridan beri ularning barchasi muvaffaqiyatsizlikka uchradi. Hozir «Chelsi»da qancha markaziy himoyachi bor? Sakkizta bo‘ldimi?», — deya Petining so‘zlarini keltiradi tribalfootball.com portali.

Ma’lumot uchun, ayni damda Lakrua Fransiya terma jamoasi tarkibida JCH-2026 musobaqasida ishtirok etmoqda.