Туркиянинг «Бешиктош» клуби «Арсенал» ҳужумчиси Леандро Троссар учун 20 миллион евро таклиф қилмоқда, деб ёзади football-italia.net портали.
«Бешиктош» бош мураббийи Винченцо Итальяно ўз ўйин услубига мос равишда ҳужум чизиғини кучайтириш йўлларини фаол тарзда изламоқда. Туркия ва Италия манбалари берган маълумотларга кўра, клуб лондонликларга бельгиялик футболчининг трансфери бўйича расмий таклиф юбориб улгурган. Схема 18 миллион евро кафолатланган сумма + 2 миллион евро бонус кўринишида ифодаланган.
31 ёшли бельгиялик Троссард айни дамда Бельгия терма жамоаси сафида ЖЧ-2026 мусобақасида иштирок этмоқда. Унинг «Арсенал» билан шартномаси кейинги мавсум охирида якунига етади, шу сабабли Лондон клуби футболчини текинга қўйиб юбормаслик учун уни шу ёзда сотишга рози бўлиши мумкин.
