Аргентина терма жамоаси ярим ҳимоячиси Леандро Паредес Жаҳон чемпионати — 2026 плей-офф босқичининг илк раундида Кабо-Верде устидан қозонилган ғалабадан сўнг ОАВ вакиллари билан суҳбатлашди. Ушбу учрашувда «альбиселесте» қўшимча бўлимларда 3:2 ҳисобида зафар қучган эди.
«Биз жуда кучли терма жамоалар йиғилган турнирда иштирок этяпмиз. Ғалабадан сўнг дарҳол кейинги ўйинга тайёргарликни бошлаймиз. Мисрга қарши баҳс осон кечмайди, биз бу учрашувга юқори даражадаги шайлик билан ёндашишимиз керак. Бу жамоа бизга жиддий муаммолар туғдиришга қодир», — дея хавбекнинг сўзларини Аргентина футбол ассоциацияси матбуот хизмати келтиради.
Аргентина ва Миср терма жамоалари ўртасидаги нимчорак финал учрашуви сешанба, 7 июль куни бўлиб ўтади.
