Франция терма жамоаси футболчиси Дезире Дуэ жамоадоши Майкл Олисенинг ўйини ҳақида ўз фикрлари билан ўртоқлашди.

«Бавария» вингери «учранглилар» ҳужум чизиғида муҳим рол ўйнамоқда ва ўз намойиш этаётган ўйинлари учун мунтазам равишда мақтовлар олмоқда. 24 ёшли юлдузнинг кўрсатаётган қаҳрамонликларидан ҳайратда қолган Дуэ ҳам бундан четда қолмади.

«Олисе — алоҳида ажралиб турувчи футболчи ва у буни ҳар бир учрашувда исботламоқда. У айни дамда Жаҳон чемпионатида голли узатмалар бериш бўйича етакчилик қилмоқда — унинг кўрсаткичлари ҳақиқатан ҳам кишини лол қолдиради. Бу ҳақиқий топ-даража. У жамоамизга жуда кўп нарса бермоқда ва таркибдаги барча у билан аъло даражада тил топишади. ОАВ қаршисида Майкл камгап ва вазмин туюлиши мумкин, бироқ бизнинг даврамизда у бутунлай бошқача — у билан жуда кўп ҳазиллашамиз. Умид қиламанки, у шу руҳда давом этади», — дея журналист Керри Хау Дуэнинг сўзларини келтиради.