«Манчестер Юнайтед» клуби ва Англия терма жамоаси ҳужумчиси Маркус Рэшфорд ўз келажаги борасида фикр билдирди.
«Менинг позициям аниқ эди. Келажагим масаласи Жаҳон чемпионати бошлангунга қадар ҳал бўлишини истагандим. Бу содир бўлмади, шу сабабли ушбу масалани турнир якунига қадар қолдирмоқчиман. Ҳозирда бор эътиборимни Жаҳон чемпионатига қаратганман. Биз бу ерда жуда муҳим ва ўзига хос бўлган мақсад йўлида курашяпмиз», — дея Рэшфорднинг сўзларини журналист Фабрицио Романо келтиради.
Эслатиб ўтамиз, «Манчестер Юнайтед» футболчиси ўтган клуб мавсумини ижара асосида «Барселона»да ўтказган эди. Бироқ Каталония клуби шартномадаги трансферни сотиб олиш ҳуқуқини фаоллаштирмасликка қарор қилди ва натижада футболчи Англияга қайтди.
