Ҳозирда эркин агент мақомида бўлган германиялик хавбек Леон Горецка шу ёзда «Милан» клубига ўтиши амримаҳол. Бу ҳақда Milan News нашри хабар бермоқда.

Манбанинг таъкидлашича, томонлар аввалроқ музокаралар олиб боришган, бироқ «россонерилар» раҳбарияти ва мураббийлар штабидаги ўзгаришлардан сўнг, ярим ҳимоячининг ушбу жамоага ўтиш имкониятлари кескин пасайиб кетган. Айни дамда Горецканинг хизматларига А Сериянинг бошқа бир вакили — Туриннинг «Ювентус» клуби жиддий қизиқиш билдирмоқда.

31 ёшли футболчининг сўнгги иш жойи Мюнхеннинг «Бавария» клуби бўлган эди. Горецка 2025/2026 йилги мавсум якунида жамоани тарк этган. Transfermarkt портали экспертлари ярим ҳимоячининг бозор қийматини 12 миллион еврога баҳолашмоқда.