Германия миллий терма жамоаси марказий ҳимоячиси Антонио Рюдигер Юлиан Нагельсманннинг бош мураббийлик лавозимидан бўшатилгани борасида фикр билдирди.
38 ёшли мутахассис «Бундестим»нинг Жаҳон чемпионати — 2026даги муваффақиятсиз иштирокидан сўнг истеъфога чиқди.
«Ишончингиз, ишга бўлган садоқатингиз ва профессионаллигингиз учун раҳмат, мураббий! Кейинги фаолиятингизда сизга энг яхши тилакларни тилаб қоламан», — деб ёзди Мадриднинг «Реал» клуби футболчиси ижтимоий тармоқларда Нагельсманнга йўллаган мурожаатида.
Эслатиб ўтамиз, Германия терма жамоаси ЖЧ-2026нинг 1/16 финал босқичида Парагвайга қарши баҳс олиб борди. Асосий ва қўшимча вақтларда 1:1 ҳисоби қайд этилгач, немислар пенальтилар сериясида имкониятни бой бериб, турнирни тарк этишди.
