«Ювентус» ҳимоячиси Бремер яқин келажакда Турин клубини тарк этиши мумкин. Tuttosport нашрининг хабарига кўра, «бьянконерилар» бразилиялик футболчи бўйича унинг шартномасида кўрсатилган товон пулидан пастроқ бўлган таклифларни кўриб чиқишга тайёр.

Манба берган маълумотларга кўра, 29 ёшли марказий ҳимоячининг шартномасида 58 миллион евро миқдорида товон пули кўзда тутилган, бироқ «Ювентус» ўйинчини 45–50 миллион евро эвазига қўйиб юборишга рози. Туринликлар 40 миллион евродан кам бўлган таклифларни умуман кўриб чиқмоқчи эмаслар.

Бремерни қўлга киритишга асосий даъвогарлардан бири бўлиб «Бавария» қолмоқда, мюнхенликлар мудофаа марказини кучайтиришни режалаштиришган. Аввалроқ ҳимоячига «Тоттенхэм» ҳам қизиқиш билдираётгани айтилганди, бироқ улар Сенеси ва ван Хеккени сотиб олганидан кейин бу трансфернинг амалга ошиш эҳтимоли паст деб баҳоланмоқда.

Ўтган мавсумда Бремер туринликларнинг асосий марказий ҳимоячиси эди, аммо унинг трансфер нархига ёши, жароҳатлар серияси ҳамда Жаҳон чемпионатида етарлича ўйин амалиётига эга бўлмагани ўз таъсирини ўтказди.