Аргентина терма жамоаси бош мураббийи Лионель Скалони ўз юбилейини нишонлади.

ЖЧ-2026 нинг 1/16 финали доирасида Кабо-Вердега қарши кечган баҳс 48 ёшли мутахассис учун миллий терма жамоа бошқарувидаги 100-учрашув бўлди.

Скалони терма жамоада 2018 йилдан буён фаолият юритиб келмоқда. Унинг бошчилигида жамоа 100 та ўйиндан 73 тасида ғалаба қозонди (дуранглар — 18 та, мағлубиятлар — 9 та, тўплар нисбати — 209:52) ва 4 та титулни қўлга киритди (2021 ва 2024 йилларда Америка Кубоги, Финалиссима ҳамда 2022 йилги Жаҳон чемпионати).

Ушбу давр мобайнида жамоанинг энг яхши тўпурари Лионель Месси бўлди — у Скалони қўл остида 59 та гол уришга улгурди.

Эслатиб ўтамиз, "альбиселесте" (аргентиналиклар) бошқарувида ўйинлар ва ғалабалар сони бўйича мутлақ рекорд Гильермо Стабилега тегишли (у 1939 йилдан 1960 йилгача бўлган даврда 127 та ўйинда жамоани майдонга бошлаб тушиб, 85 та ғалаба қайд этган).