Парагвай терма жамоаси ЖЧ-2026 гуруҳ босқичида 3-ўринни эгаллаб, мусобақанинг 1/8 финалига етиб кела олган ягона жамоага айланди.

Турнир иштирокчилари сони 48 тагача кенгайтирилгани сабабли, плей-офф босқичига 32 та жамоа йўл олди — булар гуруҳларда 1-ўринни эгаллаган 12 та жамоа, 2-ўринни банд этган 12 та жамоа ва 3-ўрин соҳиблари орасидан энг яхши натижа кўрсатган яна 8 та жамоадир.

Парагвайликлар 3-ўринни олган жамоалар рейтингида 7-ўринни банд этган эдилар, бироқ улар 1/16 финал босқичида Германия терма жамоасини мусобақадан чиқариб юборишга муваффақ бўлишди (1:1, пенальтилар бўйича — 4:3).

Ушбу рўйхатдаги қолган барча терма жамоалар — ДР Конго, Швеция, Гана, Эквадор, Босния ва Герцеговина, Жазоир ҳамда Сенегал 1/16 финалдаёқ ЖЧ билан хайрлашишди.

Энди 1/8 финалда Парагвай терма жамоаси Францияга қарши майдонга тушади.