Колумбия терма жамоаси ЖЧ-2026 мусобақасининг 1/16 финал учрашувида Гана терма жамоасини мағлубиятга учратди (1:0). Энди жамоа 1/8 финалда Швейцария терма жамоасига қарши майдонга тушади.

Жаҳон чемпионатларининг плей-офф босқичидаги ушбу муваффақият колумбияликлар учун ўз тарихларида бор-йўғи иккинчиси бўлди. Бундан олдин улар 2014 йилги мундиалнинг 1/8 финалида Уругвай тўсиғидан ўтишган (2:0) ва кейинги раундда Бразилияга имкониятни бой беришган эди (1:2).

Бундан ташқари, Нестор Лоренсо қўл остидаги жамоа жорий турнирда кетма-кет учинчи ўйинда ҳам ўз дарвозаси дахлсизлигини сақлаб қолди. Бу Колумбия терма жамоасининг Жаҳон чемпионатларидаги иштироки тарихида илк бор кузатилмоқда.

Ортда қолган 4 та учрашувдан сўнг Колумбия ўз дарвозасидан бор-йўғи 1 та тўп олиб чиқди (ушбу гол Ўзбекистон терма жамоаси томонидан киритилган). Мусобақада бундан камроқ гол ўтказган фақатгина Испания ва Мексика терма жамоаларидир ( уларда 0 та гол).

Эслатиб ўтамиз, ушбу Жаҳон чемпионати Колумбия терма жамоаси учун ўз тарихидаги еттинчиси ҳисобланади.