Алекс Окслейд-Чемберлен «Селтик»да қоладиган бўлди. Шотландия клубининг расмий сайтида 32 ёшли марказий ярим ҳимоячи бир йилга мўлжалланган янги меҳнат шартномасига имзо чеккани ҳақида маълумот пайдо бўлди.
«Селтик»да яна бир мавсум қолаётганимдан хурсандман. Йигитлар билан кўришишни ва машғулотларни бошлашни интиқлик билан кутяпман. Умид қиламанки, келаси йил биз учун яна бир муваффақиятли мавсум бўлади», — дея футболчининг сўзларини клуб матбуот хизмати келтириб ўтди.
Окслейд-Чемберлен 2026 йилнинг февраль ойидан буён «Селтик» шарафини ҳимоя қилиб келмоқда. Мавсумнинг иккинчи ярми давомида «Ливерпуль»нинг собиқ хавбеки 12 та ўйинда майдонга тушиб, 2 та гол урди. Англиялик футболчи шотланд клуби таркибида мамлакат чемпионлигини қўлга киритишга улгурди.
