Собиқ футболчи Златан Ибраҳимович Кабо-Верде миллий терма жамоасининг Жаҳон чемпионати — 2026 мусобақасидаги иштирокига муносабат билдирди. Мусобақанинг 1/16 финалида ушбу терма жамоа Аргентинага 2:3 ҳисобида (қўшимча бўлимларда 0:1) имкониятни бой берган эди.
"Бу йигитлар — ҳақиқий қаҳрамонлар. Улар ушбу кичкина оролнинг кумирларига, юлдузларига айланишди. Шуни алоҳида таъкидлаш керакки, улар асосий вақтда бирорта ҳам ўйинда мағлуб бўлишмади. Ушбу учрашувда эса ғалаба қозонишларига сал қолди. Менимча, бутун дунё бунинг имкони борлигига ишонмаганди, тўғрироғи — бунга фақат шу кичкина орол халқи ишонганди.
Улар ватанига қайтганида, катта байрам ва қизил гиламчалар билан тантанали кутиб олинишига 200 фоиз ишончим комил. Улар қилган иш тарихга киради; улар ўз орзуларини ҳақиқатга айлантиришди. Ушбу лавҳаларни томоша қилар эканман, завқланганимдан кўзларимга ёш келишига сал қолди. Улар муваффақиятга жуда яқин келишганди. Бу футбол, бу — ҳис-туйғулар. Биз футболни айнан шунинг учун севамиз", — дея RMC Sport Ибраҳимовичнинг сўзларидан иқтибос келтирди.
