«Бавария» ва «Ливерпуль» клублари собиқ футболчиси Тьяго Алькантара «Манчестер Юнайтед» ярим ҳимоячиси Кобби Майну ҳақидаги фикрлари билан ўртоқлашди.

«Майнунинг ўйини менга ёқади. Мен ундан "саккизлик" (марказий ярим ҳимоячи) позициясида фойдаланган бўлардим, чунки у ҳимояланишни ҳам, агрессив ўйнашни ҳам билади. Рақибларни алдаб ўтиш, жарима майдончаси ичига ёриб кириш ва гол уриш қўлидан келади. Майдонда ўзини тутишига қараганда, у — ҳақиқий "саккизлик".

Уни "ўнлик" (ҳужумкор ярим ҳимоячи) позициясига қўя олмайсиз. Агар у орқасида рақиб фолларини бартараф этадиган кимдир борлигини билса, ҳимоя ҳақида кўп бош қотирмасдан, олдинга ўтиши ва жарима майдончасига ёриб кириши мумкин бўлади», — деди Алькантара Рио Фердинанднинг подкастида.

Кобби Майну — «Манчестер Юнайтед» академияси тарбияланувчиси ҳисобланади. Жорий 2025/26 йилги мавсумда ярим ҳимоячи «қизил иблислар» сафинда барча турнирларда 30 та ўйинда майдонга тушиб, 1 та гол урди ва 3 та голли узатмани амалга оширди.