«Тоттенхэм» ҳимоячиси Кристиан Ромеро фаолиятини Италияда давом эттириши мумкин.
Журналист Жанлука Ди Марцио берган маълумотларга кўра, агентлар аргентиналик футболчининг хизматларини «Ювентус» ва бошқа бир қатор жамоаларга таклиф қилишган. Турин клуби футболчининг трансфери устида бош қотирмоқда, шу билан бирга, ўйинчи шу ёзда «Тоттенхэм»ни аниқ тарк этиши таъкидланмоқда.
Кристиан Ромеро 2022 йилда «Аталанта»дан «Тоттенхэм»га 53 миллион евро эвазига ўтган эди. Унинг Лондон клуби билан шартномаси 2029 йилнинг 30 июнига қадар мўлжалланган. 2025/26 йилги мавсумда ҳимоячи «шпорлар» сафида барча турнирларда 32 та ўйинда майдонга тушиб, 6 та гол урди ва 4 та голли узатмани амалга оширди. Transfermarkt портали Ромеронинг трансфер қийматини 45 миллион еврога баҳоламоқда.
