«Ньюкасл» клуби яқин орада «Фрайбург» ярим ҳимоячиси Йохан Манзамби бўйича биринчи расмий таклифни юборишни режалаштирмоқда. Бу ҳақда ўзининг ижтимоий тармоқлардаги саҳифаларида инсайдер Фабрицио Романо хабар берди.
Унинг маълумотларига кўра, Англия клуби трансфер бўйича дастлабки алоқаларни ўрнатиб улгурган. 20 ёшли швейцариялик футболчи 2026 йилги Жаҳон чемпионатидаги муваффақиятли иштироки билан клуб эътиборини тортди. Жорий турнирда Манзамби 3 та гол уриб, 3 та голли узатмани амалга оширди ва ўз терма жамоасининг ҳақиқий етакчиларидан бирига айланди.
Transfermarkt портали талқинига кўра, 20 ёшли футболчининг бозор қиймати 50 миллион еврони ташкил этади.
