Марокаш терма жамоаси жаҳон чемпионати чорак финалига чиқиб, мундиаллар плей-офф босқичидаги ғалабалар сони бўйича барча бошқа Африка терма жамоалари билан тенглашди. Бу ҳақда Opta статистика портали хабар берди.
ЖЧ-2026 1/8 финалида Марокаш Канадани 3:0 ҳисобида мағлуб этди. Бу Марокашнинг жаҳон чемпионатлари плей-офф босқичидаги тўртинчи ғалабаси бўлди.
Эътиборлиси, Африканинг қолган барча терма жамоалари мундиаллар тарихида плей-оффда жами шунча — 4 та ғалабага эришган:
-
Камерун — 1990 йил;
-
Сенегал — 2002 йил;
-
Гана — 2010 йил;
-
Миср — 2026 йил.
ЖЧ-2026 чорак финалида Марокаш терма жамоаси Францияга қарши майдонга тушади.
