Бразилиялик собиқ футболчи Фелипе Мело юлдуз ҳужумчи Неймарнинг ЖЧ–2026 мусобақасидаги ўйин вақти ҳақида ўз фикрларини билдириб ўтди.
«Агар у ҳозир тўлиқ спорт формасида бўлса, уни иккинчи бўлимда захирадан туширгандан кўра, дастлабки 45 дақиқаликда (ўйин бошидан) майдонда кўришни афзал билардим. Неймарни Бразилия терма жамоасининг асосий таркибида кўришни истайман», — дея Мелонинг сўзларини selecaocopa нашри келтирмоқда.
Маълумот учун, 34 ёшли ҳужумчи мазкур Жаҳон чемпионатида ҳозиргача фақат битта учрашувда майдонга тушди ва ўшанда ҳам захирадан ўйинга қўшилди.
