Braziliyalik sobiq futbolchi Felipe Melo yulduz hujumchi Neymarning JCH–2026 musobaqasidagi o‘yin vaqti haqida o‘z fikrlarini bildirib o‘tdi.
«Agar u hozir to‘liq sport formasida bo‘lsa, uni ikkinchi bo‘limda zaxiradan tushirgandan ko‘ra, dastlabki 45 daqiqalikda (o‘yin boshidan) maydonda ko‘rishni afzal bilardim. Neymarni Braziliya terma jamoasining asosiy tarkibida ko‘rishni istayman», — deya Meloning so‘zlarini selecaocopa nashri keltirmoqda.
Ma’lumot uchun, 34 yoshli hujumchi mazkur Jahon chempionatida hozirgacha faqat bitta uchrashuvda maydonga tushdi va o‘shanda ham zaxiradan o‘yinga qo‘shildi.
