"Тоттенхэм" ҳужумчиси Эммануэль Адебайор қишда "Бешиктош" ўйинчисига айланиш эҳтимоли юқори, дея хабар тарқатган Turkish Football.
Лондон клубига ҳужумчилар Роберто Сольдадо ва Эрик Ламела келганидан сўнг жамоа рақобат кучайган ва 19 ёшли конголик бу мавсум мураббий ишончига кириши даргумон бўлиб қолмоқда.
Футболчи шу ёзда рад жавобини берган "Бешиктош" эса ҳамон ундан умидини узгани йўқ.
"Туркиянинг бир нечта клублари билан алоқага чиқдим. Лекин у ерга ўтаман деб ўйламайман. Турк клублари мени ўз сафларида кўришни истаётган бўлсалар, буни мен ҳам хоҳлайманми-йўқми, бу ҳам муҳим-ку. Менинг севимли лигам Англия премьер-лигаси бўлиб қолаверади", деди Адебайор.
Эслатиб ўтиш жоиз, ўтган мавсумда у Англия чемпионати ва Чемпионлар лигасининг 33 ўйинида майдонга тушган ва 2та голли узатмага муаллиф бўлганди.