«Манчестер Сити» раҳбарияти, Европанинг топ-клублари томонидан бўлаётган фаол қизиқишларга қарамай, жамоа марказий ҳимоячиси Рубен Диашни сотиш ниятида эмас.

Teamtalk журналистларининг берган маълумотларига кўра, инглизлар португалиялик футболчининг трансфери бўйича «Барселона», «Реал» ва «Челси»дан тушган сўровларга рад жавобини беришган. «Шаҳарликлар» қароргоҳида Рубен жамоанинг «дахлсиз» (сотилмайдиган) футболчиси эканлиги алоҳида таъкидланган.

Диашнинг «Манчестер Сити» билан амалдаги шартномаси 2029 йилнинг ўрталарига қадар мўлжалланган. Transfermarkt портали экспертлари португалиялик ҳимоячининг бозор қийматини 55 миллион еврога баҳоламоқда.