«Manchester Siti» rahbariyati, Yevropaning top-klublari tomonidan bo‘layotgan faol qiziqishlarga qaramay, jamoa markaziy himoyachisi Ruben Diashni sotish niyatida emas.

Teamtalk jurnalistlarining bergan ma’lumotlariga ko‘ra, inglizlar portugaliyalik futbolchining transferi bo‘yicha «Barselona», «Real» va «Chelsi»dan tushgan so‘rovlarga rad javobini berishgan. «Shaharliklar» qarorgohida Ruben jamoaning «daxlsiz» (sotilmaydigan) futbolchisi ekanligi alohida ta’kidlangan.

Diashning «Manchester Siti» bilan amaldagi shartnomasi 2029 yilning o‘rtalariga qadar mo‘ljallangan. Transfermarkt portali ekspertlari portugaliyalik himoyachining bozor qiymatini 55 million yevroga baholamoqda.